“Kitapqumar analar kúni”

• admin
• 20-February-2023
• 98

Ózbekstan Respublikası Oliy majlisi Senatı baslıǵı hám Ózbekstan Respublikası Bas Ministri tárepinen 2022-jıl 31- oktyabrde tastıyıqlanǵan Hayal—qızlardı qollap-quwatlaw, olardıń ruwxıylıǵın hám mádeniyatın asırıw maqsetinde islep shıǵılǵan is-ilajlar rejesine muwapıq hár aydıń 17-sánesi «Kitapqumar Analar» kúni dep belgilendi. Usı múnásibet penen 2023 jıl 17-fevral kúni Taqıyatas rayonı Málimleme-kitapxana orayında  sáwbetlesiw keshesi bolıp ótti.

Kesheni Abonement hám paydalanıwshılarǵa xızmet kórsetiw xızmeti baslıǵı A.Tóreniyazova ashıp berdi hám alıp bardı.  Keshege Taqıyatas rayonı XBBne qaraslı 9-sanlı mekteptiń úgit-násiyatshısı M.Qayıpnazarova hám úy biykesi Z.Artıkovalar qatnastı. Kitapqumar ana Móldir Qayıpnazarova sózge shıǵıp, ol óz sózinde kitap – bul ómirlik ǵáziyne, sebebi, ol qansha waqıt ótse de ózindegi bilimdi saqlap turatuǵınlıǵın, dúnyadaǵı hár qanday jańalıq, waqıt ótip góneriwi múmkinligi biraq, insaniyattıń mıń-mıń jıllar dawamında qolǵa kirgizgen aqılıy hám ideyalıq dúrdanaların ózinde jámlegen kitaplar hesh qashan eskirmeytuǵınlıǵın, kitap tek ǵana eń jaqın, biybaha, arzan tálim-tárbiya alıw quralı emes, sonıń menen birge ol eń tábiyǵıy, zıyansız bilim alıw usılı bolıp, olardıń bos waqıtların mazmunlı ótkeriw, jaslardı kitapqumarlıqqa qızıqtırıw kerekligi, jaslardıń dúnya qarasın, oy órisin rawajlandırıwda kitaptıń ornı áhmiyetli ekenligi boyınsha aytıp ótti.

Keshe sońında miymanlar hám qatnasıwshılar ózleriniń oqıǵan kitapları haqqında sáwbetlesti hám óz-ara pikir alıstı.