“Aydın jol” balalar dem alıw orayında “Ertekte ushırasamız!” atamasında saxnalastırılǵan ilaj shólkemlestirildi.

• admin
• 25-June-2025
• 72

Usı jıldıń 25-iyun kúni, Taqıyatas rayonı Málimleme-kitapxana orayı Abonementler hám paydalanıwshılarǵa xızmet kórsetiw xızmeti qánigesi N.Mamutova tárepinen Taqıyatas rayonı “Aydın jol” balalar jazǵı dem alıw orayında “Ertekte ushırasamız!” atamasında saxnalastırılǵan ilaj shólkemlestirildi.

Jazǵı dem alıw orayı balalar ushın tek ǵana dem alıw emes, al dóretiwshilik ósiw hám ruwxıy bayıw mákanına aylandı.

“Ertekte ushırasamız!” saxnalastırılǵan ilaj balalardıń qızıǵıwshılıǵına úlken sebep boldı. Ilaj dawamında dem alıw orayınıń 3-topar dem alıwshıları tárepinen belgili xalıq erteklerinen biri bolǵan “Bawırsaq” erteginen úzindiler saxnalastırıp kórsetildi, súyikli ertek qaharmanları obrazında shıǵıp sóyledi. Bunday ertekler balalardıń kitapqa, xalıq dóretiwshiligine hám óz dóretiwshiligine bolǵan súyispenshiligin arttırıwda úlken áhmiyetke iye.

Ilaj sońında balalar kelesi ilajda saxnalastırılatuǵın ertek hám onıń qaharmanları haqqında sáwbetlesti.