17-dekabr Súyikli balalar jazıwshısı Xudayberdi Toxtabaevtıń tuwılǵan kúnine baǵıshlap sáwbetlesiw keshesi shólkemlestirildi.

• admin
• 18-December-2025
• 74

Usı jıldıń 17-dekabr kúni Taqıyatas rayonı Málimleme-kitapxana orayı tárepinen rayondaǵı Mektepke shekemgi hám mektep bilimlendiriwim bólimine qaraslı 1-sanlı mektepte 17-dekabr súyikli balalar jazıwshısı Xudoyberdi Twxtaboevtıń tuwılǵan kúnine baǵıshlap sáwbetlesiw keshesi shólkemlestirildi. Sáwbetlesiwdi Abonement hám paydalanıwshılarǵa xızmet kórsetiw xızmeti qánigesi Aysara Tureniyazova alıp bardı.

Sáwbetlesiw keshesinde 1-sanlı mektep kitapxanashısı Raxatay Qutlımuratova hám kitapqumarlar qatnastı.

Sáwbette jazıwshınıń “Sariq devni minib”, “Sehrli qalpoqcha”, “Besh bolali yigitcha”, “Qasoskorning oltin boshi” sıyaqlı shıǵarmaları tek ǵana qızıqlı syujeti emes, al tárbiyalıq áhmieti menen de ayrıqsha qádirleniwi, bul shıǵarmalar arqalı balalarda hadallıq, doslıq, miynet súygishlik, mártlik hám watansúyiwshilik sezimleriniń qáliplesiwi, Xudayberdi Toxtabaev shıǵarmalarında fantaziya hám turmıslıq haqıyqatlıq úylesip ketkeni, sonlıqtan onıń kitapların oqıǵan bala tek ǵana qızıqlı waqıt ótkeriwi emes, al ómir haqqında tereńirek oylawǵa, durıs juwmaq shıǵarıwǵa úyretiwi, jazıwshınıń dóretiwshiligi – bul balalıq quwanısh, jaqsılıq hám arzıwlar álemi ekenligi, onıń shıǵarmaların súyip oqıw, olardan sabaq alıw hár bir jas kitapqumar ushın úlken mektep ekenligin óz sáwbetlesiwi dawamında Aysara Tureniyazova aytıp ótti.

Sonday-aq, sáwbettiń tiykarǵı qaharmanı Xudayberdi Toxtabaevtıń tuwılǵan kúnine kitaplar kórgizbesi shólkemlestirildi.