“Kóshpeli kitapxana – ruwxıy kúsh hám turmıs zawqı dáregi” temasında kóshpeli kitapxana shólkemlestirildi.

• admin
• 12-January-2026
• 73

Usı jıldıń 12-yanvar kúni Taqıyatas rayonı Málimleme-kitapxana orayı Abonementler hám paydalanıwshılarǵa xızmet kórsetiw xızmeti qánigesi N.Mamutova tárepinen Kekseler hám mayıplıǵı bolǵan shaxslar, urıs hám miynet veteranları ushın “Taqıyatas” sanatoriyasında dem alıwshılardıń waqtın mazmunlı ótkeriw, olardı kitap oqıwǵa qızıqtırıw maqsetinde kóshpeli kitapxana shólkemlestirildi.

Ilaj Málimleme-kitapxana orayı tárepinen shólkemlestirilgen kóshpeli kitapxana joybarı sheńberinde ótkerildi. Bul joybar arqalı kitap hám bilimdi hár bir insannıń turmısına jaqınlastırıw, ásirese, kekselerdiń bos waqtın mazmunlı hám paydalı ótkeriw maqsetinde shólkemlestirildi.

Kitap – insannıń eń jaqın dostı, ómirlik joldası. Ásirese, turmıslıq tájiriybesi bay, kópti kórgen kekseler ushın kitap – olarǵa ruwxıy tınıshlıq baǵıshlaydı, este saqlaw qábiletin bekkemleydi hám ómirge bolǵan qızıǵıwshılıǵın arttıradı.