9-aprel Ámir Temur tuwılǵanınıń 690 jıllıǵı múnásibeti menen ruwxıy-aǵartıwshılıq ilaj shólkemlestirildi.

• admin
• 10-April-2026
• 42

Usı jıldıń 10-aprel kúni Taqıyatas rayonı Málimleme-kitapxana orayı Málimleme-bibliografiya xızmeti qánigesi A.Abieva tárepinen rayonlıq Mektepke shekemgi hám mektep bilimlendiriw bólimine qaraslı 1-sanlı mektepte 9-aprel ullı sárkarda Ámir Temur tuwılǵan kúniniń 690 jıllıǵı múnásibeti menen ruwxıy-aǵartıwshılıq ilaj shólkemlestirildi.

Ilajǵa 1-sanlı mektep kitapxanashısı R.Qutlımuratova hám mekteptiń kitapqumar jasları qatnastı. Ilajda ullı sárkarda, Sahıpqıran Ámir Temurdıń ómiri, onıń mámleketlik basqarıwdaǵı dana siyasatı, áskeriy talantı hám jáhán tariyxındaǵı ornı haqqında slayd arqalı tolıq maǵlıwmatlar berildi. Sonday-aq, slayd prezentaciyası arqalı oqıwshılar Ámir Temurdıń jaslıq dáwiri, Mawarawnnaxrda oraylasqan mámleket qurǵanı, ilim hám mádeniyattıń rawajlanıwına qosqan úlken úlesi, “Temur túzikleri” shıǵarması hám ondaǵı ádillik, tártip-intizam, watansúyiwshilik sıyaqlı ideyalar menen tanıstı.