“Ózbekstan hám Qaraqalpaqstan xalıq shayırı”, “Ózbekstan Qaharmanı” Ibrayım Yusupov hám “Ózbekstan hám Qaraqalpaqstan xalıq jazıwshısı”, “Ózbekstan Qaharmanı” Tólepbergen Qayıpbergenovlardıń tuwılǵan kúni múnásibeti menen “Qaraqalpaq ádebiyatınıń belgili wákilleri” atamasında ádebiy keshe shólkemlestirildi.

• admin
• 05-May-2026
• 50

Usı jıldıń 4-may kúni Taqıyatas rayonı Málimleme-kitapxana orayı tárepinen rayonlıq Mektepke shekemgi hám mektep bilimlendiriwi bólimine qaraslı 2-sanlı ulıwma bilim beriw mektebinde “Ózbekstan hám Qaraqalpaqstan xalıq shayırı”, “Ózbekstan Qaharmanı” Ibrayım Yusupov hám “Ózbekstan hám Qaraqalpaqstan xalıq jazıwshısı”, “Ózbekstan Qaharmanı” Tólepbergen Qayıpbergenovlardıń tuwılǵanına 97 jıl tolıwı múnásibeti menen “Qaraqalpaq ádebiyatınıń belgili wákilleri” atamasında ádebiy keshesi shólkemlestirildi.

Keshege 2-sanlı mekteptiń Qaraqalpaq tili páni oqıtıwshısı A.Soǵieva, mektep másláhatshisi D.Sultanova, K.Ibragimova hám kitapqumarlar qatnastı. Kesheni Abonement hám paydalanıwshılarǵa xızmet kórsetiw xızmeti qánigesi N.Mamutova alıp bardı. Ilajdı Qaraqalpaq tili páni oqıtıwshısı A.Soǵieva ashıp berdi. Mektep oqıwshıları tárepinen jazıwshı hám shayırdıń shıǵarmaları menen qosıqlarınan úzindiler oqıp esittirildi.

Ilaj dawamında jaslardıń kitapqa bolǵan qızıǵıwshılıǵın arttırıw, ullı jazıwshılar dóretiwshiligin keńnen úgit-násiyatlaw tiykarǵı maqset etip alındı. Oqıwshılar tárepinen tayarlanǵan ádebiy shıǵıwlar, saxnalıq kórinisler hám ayaq oyınlar keshege ayrıqsha payız baǵıshladı. Ásirese, I.Yusupov dóretiwshiligine baǵıshlanǵan ádebiy shıǵıwlar tamashagóylerde úlken tásir qaldırdı. Juwmaqlawshı sózlerde muǵallimler tárepinen ullı jazıwshılardıń miyrasın úyreniw hám onı jas áwladqa jetkeriw áhmiyetli ekenligi jáne bir márte atap ótildi. Usı tárizde, I.Yusupov hám T.Qayıpbergenov tuwılǵan kúniniń 97 jıllıǵına baǵıshlanǵan ádebiy keshe mazmunlı hám este qalarlıq tárizde juwmaqlandı.