1989- jıl 21-oktyabr Ózbek tiline mámleketlik tili biyligi berilgen kúni múnásibeti menen “Ona tili bu millatning ruxidir” atamasında bayram keshesi ótkerildi.

• admin
• 21-October-2021
• 72

2021-jıl 20-oktyabr kúni, Taqıyatas rayonı Kekseler hám nagiranlıǵı bolǵan puqaralar, urıs hám miynet nuranıyları ushın sanatoriyası imaratinda sanatoriya kitapxanashısı hám XTBne qaraslı 9-sanlı mekteptin Ózbek tili hám ádebiyatı páni oqıtıwshısı hám oqıwshıları menen birgelikte 21-oktyabr Ózbek tiline mámleketlik tili berilgen kúni múnásibeti menen “Ona tili bu millatning ruxidir” atamasında ádebiy keshesi ótkerildi. Adebiy kesheni Taqıyatas rayonı Kekseler xam nagiranlıgı bolgan puxaralar, urıs hám miynet nuranıyları ushın sanatoriyası direktorı A.Madaminov ashıp berdi hám ol sózinde Ózbek tiline mámleketlik til biyligi berilgenligine 32 jıl tolıw múnásebeti menen qutlıqladı. Sonıń menen birge, sóz náwbeti Taqıyatas rayonı Málimleme-kitapxana orayı qańigesi N.Mamutovaǵa  berilip, búgingi kúndegi Ózbekistan Respublikası Prezidenti Sh.M.Mirzieyov tárepinen alıp barılıp atırǵan ózgerisler hám Ózbek tiline berilip atırǵan itibarlarǵa óz aldına toqtap ótip óziniń jaqsı pikirlerin bidirip ótti. XTB ǵa qaraslı 9-sanlı mekteptin Ózbek tili xám ádebiyatı páni oqıtıwshısı D.Matqurbanova elimizde ótkerilip atırǵan Ózbek tiline mámleketlik til biyligi berilgenligine haqqında, ol 1989-jıl 21-oktyabr kúni qabıl etilgenligi, 2020-jıl baspadan shıǵarılǵan 5 tomnan ibarat «O’zbek tilining izohli luǵati» baspadan shıǵarılǵanlıǵı, bunda 80 mıńga jaqın sóz birikpesi bar ekenligin aytıp ótti.  Keyingi náwbet bayram keshesine berilip, ádebiy keshede XTBne qaraslı 9-sanlı mekteptiń 8 hám 5-klass oqıwshıları bayram keshesine tayarlap kelgen kórinislerin hám koncert  baǵdarlamasın kórsetip berdi.  Onnan keyin Taqıyatas rayonı Málimleme-kitapxana orayı tárepinen kitaplar kórgizbesi shólkemlestirilip, N.Mamutova tárepinen 5 tomnan ibarat « O’zbek tilining izohli luǵati» kitabı boyınsha túsinik berip ótti. Adebiy keshe juwmaǵında, sanatoriyada dem alıwshı nuranıy ata hám apalarımız ózleriniń jaqsı pikirlerin bildirip bayram keshesin shólkemlestiriwshilerine hám mektep oqıwshılarına óz minnetdarshılıqların
bildirdi.