“Mehr kutubxonasi” joybarı tiykarında kitapxan jaslardıń úylerinen xabar alındı.

• admin
• 20-June-2022
• 103

Usı jıldıń, 17-iyun kúni, Taqıyatas rayonı Málimleme-kitapxana orayınıń аbonement hám paydalanıwshılarǵa xizmet kórsetiw xızmeti basshısı A. Tóreniyazova hám qánigesi D. Xalbaeva tárepinen “Mehr kutubxonasi” joybarı sheńberinde rayonımızdaǵı “Naymanko’l” OFY aymaǵındaǵı 2008-jılı tuwılǵan Urazimbetov Nasirulla hám Úlgili kóshesi 2 xanada jasawshı 2012-jılı tuwılǵan Ozatova Mohinurlardıń úylerine barıp xabar alındı. Olar menen sáwbet etilip, sáwbet dawamında N. Urazimbetov ádebiy  kitaplardıń qaharmanları úy haywanlar menen baylanıslı bolǵan erteklerdi, M. Ozatova bolsa mudamı jaqsılıq penen tawsılatuǵın gúrrińlerdi, pıshıqlar hám qoyanlar haqqındaǵı erteklerdi jaqsı kórip oqıwları inabatqa alınıp, kitapxanamız fondınan  jay alǵan “Susambil”, “Qasqır menen Mergen”, “Mo’ttivoy”, “Jumsaq atlı kirpitiken” kitapları jetkizip berildi. Sonıń menen birge, kitapxana xızmetkerleri tárepinen kitaplar úzliksiz jetkizip beriliwi aytıp ótildi hám kitapxanamızdaǵı kórkem ádebiyatlar, shayırlardıń qosıq toplamları, qaraqalpaq,  ózbek, rus tilindegi hár túrlı ertek kitaplar bar ekenligi haqqında maǵlıwmatlar berildi.