“Kitapqumar analar” kúni múnásibeti menen sáwbetlesiw keshesi shólkemlestirildi.

• admin
• 16-September-2025
• 113

Ózbekstan Respublikası Prezidentiniń 2023-jıl 21-dekabrdegi “Shańaraqlardı bekkemlew hám hayal-qızlardıń belsendiligin arttırıw boyınsha qosımsha ilajlar haqqında”ǵı PQ-401-sanlı Qararınıń 3-qosımshası menen tastıyıqlanǵan Jol kartasınıń 36-bántinde Shańaraqlarda kitapqumarlıq mádeniyatın arttırıw maqsetinde belgilengen wazıypalardı ámelge asırıw boyınsha qosımsha ilajlar rejesi tiykarında “Kitapqumarlıq shańaraqtan baslanadı, kitapqumar ana-kitapqumar bala” ideyasın aymaqlarda keńnen úgit-násiyatlaw maqsetinde hár aydıń 17-sánesin “Kitapqumar analar kúni” dep belgilendi.

Usı múnásibet penen usı jıldıń 16-sentyabr kúni Taqıyatas rayonı Málimleme-kitapxana orayı Abonementler hám paydalanıwshılarǵa xızmet kórsetiw xızmeti qánigesi G.Baynazarova tárepinen “Kitapqumar analar” atamasında sáwbetlesiw keshesi ótkerildi.

Ilajdı Málimleme-kitapxana orayınıń direktorı N.Sultanova ashıp berdi.

Sáwbetlesiwdiń búgingi miymanı Málimleme-kitapxana orayınıń belsendi kitapqumarı Taqıyatas rayonı Politexnika texnikumı Málimleme-resurs orayınıń baslıǵı Muxabbat Babadjanova boldı.

M.Babadjanova óziniń súyip oqıǵan shıǵarmaları, shıǵarma waqıyaları haqqında aytıp ótti. Sonday-aq, kitapqumarlarǵa kóbirek kitaplar, shıǵarmalar oqıwdı usınıs etti. M.Babajanova kitapqumarlardıń qızıqtırǵan sorawlarına juwap berip, olar menen sáwbetlesti.