“Ádillik jolında birgelikte” atamasında sáwbetlesiw keshesi shólkemlestirildi.

• admin
• 17-December-2025
• 60

Usı jıldıń 16-dekabr kúni Taqıyatas rayonı IIB provakaciya toparı aǵa inspektorı mayor U.Tileumuratov penen birgelikte “Ádillik jolında birgelikte” atamasında sáwbetlesiw keshesi bolıp ótti. Sáwbetti Málimleme-kitapxana orayı Abonementler hám paydalanıwshılarǵa xızmet kórsetiw xızmeti qánigesi A.Abieva ashıp berdi. Sáwbetke Taqıyatas rayonı Málimleme-kitapxana orayınıń qánigeleri qatnastı.

Sáwbette IIB provakaciya toparı aǵa inspektorı mayor U.Tileumuratov tárepinen – Ádillik – jámiet rawajlanıwı hám insan huqıqlarınıń bekkem kepili, hár bir insannıń nızam aldında teńligi, huqıq hám erkinlikleriniń támiyinleniwi ádil jámiet qurıwdıń tiykarǵı shárti ekenligi, “Ádillik jolında birgelikte” ideyası puqaralardıń huqıqıy sanasın arttırıw, jámiette nızam ústinligin bekkemlew hám insan qádir-qımbatın ulıǵlawǵa qaratılǵanlıǵı, búgingi kúnde ádillikti támiyinlew tek ǵana mámleketlik uyımlardıń wazıypası emes, al hár bir puqaranıń minneti, huqıq hám minnetlemelerin biliw, nızamlarǵa húrmet penen qaraw, basqalardıń huqıqların tán alıw arqalı jámiette salamat ortalıqtıń qáliplesiwi, ádalatlı jámiette zorlıq, kemsitiw hám biypárwalıqqa orın bolmawı haqqındaǵı pikirler aytıp ótildi.

Sáwbetlesiw dawamında Málimleme-kitapxana orayınıń xızmetkerleri ózleriniń qızıqtırǵan sorawlarına juwaplar aldı.