14-yanvar “Watan qorǵawshıları kúni” múnásibeti menen “Milliy armiya – Ana Watannıń qalqanı, tınıshlıǵımızdıń saqshısı!” súreni astında «Zakawat» intellektuallıq oyını ótkerildi.

• admin
• 12-January-2026
• 53

Usı jıldıń 9-yanvar kúni Ózbekstan Respublikası Qurallı Kúshleri dúzilgeniniń 34 jıllıǵı hám 14-yanvar “Watan qorǵawshıları kúni” múnásibeti menen Taqıyatas rayonı Málimleme-kitapxana orayı hám rayonda jaylasqan Áskeriy bólim menen birgelikte “Milliy armiya – Ana Watannıń qalqanı, tınıshlıǵımızdıń saqshısı!” súreni astında «Zakawat» intellektuallıq oyını ótkerildi.

Zakawat oyınında rayonlıq Áskeriy bólimnen – “Qalqon” komandası, “Aydın jol” MPJnıń belsendi nuranıylarınan ibarat – “Ibrat” komandası, rayonlıq Mektepke shekemgi hám mektep bilimlendiriwi bóliminen – “Renessans” komandası, Jaslardı áskeriy shaqırıwǵa shekem tayarlaw muǵallimlerinen – “Temuriyler” komandaları qatnastı.

Zakawat sorawları Málimleme-kitapxana orayı qánigesi D.Utemuratova tárepinen oqıp esittirildi. Tóreshiler quramı sıpatında Málimleme-kitapxana orayınıń qánigesi A.Vaysova, “Nuraniy” qorı Taqıyatas rayonlıq bóliminiń qánigesi N.Atiyazova, Respublikalıq Ruwxıy-aǵartıwshılıq orayı rayonlıq bóliminiń bas qánigesi T.Seyidova, rayonlıq Áskeriy bólim komandiriniń orınbasarı kapitan B.Buxariev qatnastı.

Tóreshiler quramı aǵzalarınıń nátiyjelerine bola 1-orındı “Renessans” komandası, 2-orındı “Qalqon” komandası, 3-orındı “Ibrat,” 4-orındı “Temuriyler” komandası iyeledi.

Jeńimpazlar “Diplom” hám estelik sawǵaları menen sıylıqlandı.