“Jadidshilik – milliy oyanıw háreketi” atamasında sáwbetlesiw keshesi shólkemlestirildi.

• admin
• 28-January-2026
• 64

Usı jıldıń 26-yanvar kúni Málimleme-kitapxana orayı Abonementler hám paydalanıwshılarǵa xızmet kórsetiw xızmeti qánigesi A.Abieva tárepinen “Jadidshilik – milliy oyanıw háreketi” atamasında sáwbetlesiw keshesi shólkemlestirildi. Sáwbetke rayonlıq Mektepke shekemgi hám mektep bilimlendiriw bólimine qaraslı 8-sanlı mektep oqıtıwshısı Z.Allamuratova, mektep kitapxanashısı I.Adilbaeva hám kitapqumar jaslar qatnastı.

Ilajda Málimleme-kitapxana orayınıń qánigesi tárepinen XIX ásirdiń aqırı – XX ásir baslarında payda bolǵan jadidshilik háreketi jámiyetti oyatıw, xalıqtı ilim-aǵartıwshılıqqa shaqırıw, eskishe pikirlewden waz keship, zamanagóy rawajlanıw jolına ótiwdi maqset etken milliy háreket ekenligi, “Jadid” sózi arabsha bolıp, “jańa” degen mánisti ańlatatuǵını, Ózbek jadidshiliginiń jetik ǵayratkerleri qatarında Mahmudxoja Behbudiy, Munavvarqori Abdurashidxonov, Abdulla Avloniy, Abdurauf Fitrat, Sholpan sıyaqlı ullı aǵartıwshılar haqqında maǵlıwmatlar aytıp ótildi.