“Ullı ata-babalarımız izinen” atamasında tańlawı ótkerildi.

• admin
• 06-February-2026
• 62

Usı jıldıń 3-fevral kúni Taqıyatas rayonı Әskeriy bóliminde Taqıyatas rayonı Málimleme-kitapxana orayı, Respublikalıq Ruwxıy-aǵartıwshılıq orayı rayonlıq bólimi, “Nuraniy” qorı menen birgelikte shax hám shayır Zahiriddin Muhammed Babur tuwılǵan kúniniń 543 jıllıǵı múnásibeti menen ulıwma bilim beriw mektebi oqıwshıları arasında “Ullı ata-babalarımız izinen” atamasında tańlawı ótkerildi.

Tańlaw úsh shártten ibarat bolıp, birinshi shárt – Zahiriddin Muhammed Babur haqqında maǵlıwmat beriw, ekinshi shárt – Zahiriddin Muhammed Babur rubaiylarınan aytıw, úshinshi shárt Zahiriddin Muhammed Babur ómirinen saxnalıq kórinis kórsetiw shártlerinen ibarat boldı.

Úsh shárt tiykarında shólkemlestirilgen tańlaw juwmaǵında I-orındı 1-sanlı ulıwma bilim beriw mektebi oqıwshısı, II-orındı qánigelestirilgen mektep oqıwshısı, III-orındı bolsa 6-sanlı ulıwma bilim beriw mektebi oqıwshıları ieledi.

Jeńimpaz hám belsendi qatnasıwshılarǵa húrmet jarlıqları tapsırıldı.