“Hár bir insan huqıqlı” atamasında sáwbetlesiw keshesi shólkemlestirildi.

• admin
• 17-February-2026
• 72

Usı jıldıń 17-fevral kúni Taqıyatas rayonı Málimleme-kitapxana orayı Abonementler hám paydalanıwshılarǵa xızmet kórsetiw xızmeti qánigesi J.Urazalieva tárepinen “Hár bir insan huqıqlı” atamasında sáwbetlesiw keshesi shólkemlestirildi.

Keshede rayonlıq Mektepke shekemgi hám mektep bilimlendiriw bólimine qaraslı 6-sanlı mekteptiń shaqırıwǵa shekemgi baslanǵısh tayarlıq bóliminiń baslıǵı M.Toriev, inspektor psixolog, leytenant M.Yóldashov, 6-sanlı mekteptiń Ruwxıy-aǵartıwshılıq isleri boyınsha direktor orınbasarı G.Madreymova hám mekteptiń 11-klass oqıwshıları qatnastı.

Konstituciyanıń 19-statyasında insan huqıqları hám erkinlikleri tuwılǵannan baslap hár bir adamǵa tán ekenligi atap ótilgen.

Huqıq – bul insan erkinligi hám ádalat tiykarı. Wazıypa bolsa, mine, usı erkinlikti juwapkershilik penen qollanıw ólshemi bolıp tabıladı. Huqıqın bilgen, minnetin umıtpaǵan shaxs jámiyette belsendi, sanalı hám juwapkershilikli puqara bolıp qáliplesedi.