21-mart Xalıqaralıq  Nawrız bayramı múnásibeti menen “Qádiriyatlar hám dástúrler bayramı – Nawrız!” atamasında kitaplar kórgizbesi shólkemlestirildi.

• admin
• 19-March-2026
• 46

Usı jıldıń 17-mart kúni Taqıyatas rayonı Málimleme-kitapxana orayında 21-mart Xalıqaralıq Nawrız bayramı múnásibeti menen “Qádiriyatlar hám dástúrler bayramı – Nawrız!” atamasında kitaplar hám súwretler kórgizbesi shólkemlestirildi.

Kórgizbede kitap shkafları bayramǵa tán bezetilgen bolıp, onda Nawrızǵa baylanıslı kitaplar, súwretler hám bezewler jaylastırılǵan. Nawrızdı sáwlelendiriwshi súwretler bayram keypiyatın jáne de arttıradı. Sonday-aq, súmelek tayarlaw, báhár seyilleri hám xalıq oyınları sáwlelengen súwretler arqalı xalqımızdıń áyyemgi dástúrleri kórsetip berilgen. Oń tárepte bolsa milliy buyımlar – áyyemgi ıdıslar, lágenler, shaynekler hám ónermentshilik úlgileri jaylasqan. Bul buyımlar milliy qádiriyatlardıń ayqın kórinisi bolıp esaplanadı. “Milliy miyraslar – ruwxıylıǵımızdıń tayanıshı” degen jazıw bolsa ata-babalardan qalǵan bay miyrasımızdı qásterlep saqlaw áhmiyetli ekenligin esletedi. Bul kórgizbe Nawrız bayramınıń mazmun-mánisin, yaǵnıy jańalanıw, tatıwlıq hám milliy birlik ideyaların sáwlelendiredi.