“Kitapqumar millet” súreni astında VI Respublikalıq “Kitapqumarlıq hápteligi”niń ashılıw máresimi bolıp ótti.

• admin
• 13-April-2026
• 44

        Usı jıldıń 13-aprel kúni Taqıyatas rayonı Málimleme-kitapxana orayında “Kitapqumar millet” súreni astında VI Respublikalıq “Kitapqumarlıq hápteligi”niń saltanatlı ashılıw máresimi bolıp ótti. Málimleme-kitapxana orayınıń direktorı N.Sultanova barlıq kitapqumarlardı ashılıw máresimi menen qutlıqlap, kesheni ashıp berdi. Bunnan soń, Abonement hám paydalanıwshılarǵa xızmet kórsetiw xızmetiniń baslıǵı J.Qadirbaeva VI Respublikalıq “Kitapqumarlıq hápteligi” bir hápte dawamında dawam etiwi hám “Kitapqumarlıq hápteligi”nde bolıp ótetuǵın ilajlar dizimi menen tanıstırıp ótti. Oǵan bola, hár qıylı ilajlar, sáwbetlesiw kesheleri, kitaplar kórgizbesi, “Zakovat” intellektuallıq oyınları hám viktorinalar hápte dawamında bolıp ótetuǵını aytıp ótildi.

Ashılıw máresimi jańa ádebiyatlardan ibarat ráńbáreń súwretli kitaplar kórgizbeleri, shayır hám jazıwshılardıń kitapxana hám kitaplar haqqında jazılǵan dana sózleri sáwlelendirilgen súwretler menen bezetilgen.

Keshede kitapqumarlar tárepinen qosıqlar hám ayaq oyınlar atqarıldı.          Máresim sońında, Málimleme-kitapxana orayınıń belsendi kitapqumarları shıǵıp sóylep, bayram menen qutlıqlap, óz dóretiwshiliginen úzindiler oqıp berdi.

Keshege kelgen barlıq kitapqumarlar Málimleme-kitapxana orayınıń kitap kórgizbeleri menen tanısıp shıqtı.