“Ózbekstan hám Qaraqalpaqstan xalıq shayırı”, “Ózbekstan Qaharmanı” Ibrayım Yusupov hám “Ózbekstan hám Qaraqalpaqstan xalıq jazıwshısı”, “Ózbekstan Qaharmanı” Tólepbergen Qayıpbergenovlardıń tuwılǵan kúnine baǵıshlap kitaplar kórgizbesi shólkemlestirildi.

• admin
• 06-May-2026
• 60

Ózbek hám qaraqalpaq ádebiyatınıń belgili ǵayratkerleri Ibrayım Yusupov hám Tólepbergen Qayıpbergenovlardıń tuwılǵan kúniniń 97 jıllıǵına baǵıshlap Taqıyatas rayonı Málimleme-kitapxana orayında kitaplar kórgizbesi shólkemlestirildi. Kórgizbede jazıwshılardıń ómiri hám dóretiwshiligi, olardıń xalıq ruwxın sáwlelendiretuǵın shıǵarmaları keńnen sáwlelendirilgen.

Kórgizbe tekshelerinen Ibrayım Yusupovtıń qosıq toplamları, publicistikalıq shıǵarmaları hám onıń dóretiwshilik miyrasına baylanıslı kitaplar orın alǵan. Shayır dóretiwshiligi arqalı insan qálbi, Watanǵa muhabbat, ómir filosofiyası tereń sáwlelendiriledi. Sonday-aq, Tólepbergen Qayıpbergenovtıń prozalıq shıǵarmaları, tariyxıy hám kórkem kitapları da kórgizbeden orın alǵan bolıp, onda jazıwshınıń xalıq turmısı, úrp-ádetleri hám milliy qádiriyatlardı sáwlelendirgen shıǵarmaları kórsetilgen. Sonday-aq, kórgizbege jazıwshılardıń portretleri, reńli súwretler de jaylastırılıp, kitapqumarlar olardıń bay dóretiwshilik miyrası menen jaqınnan tanısıw imkaniyatı jaratılǵan. Bul kórgizbe kitapqumarlardı milliy ádebiyatımız dúrdanaların oqıwǵa, ata-babalarımız qaldırǵan biybaha miyrastı qádirlewge shaqıradı.