“Kitapxana – dúnyaǵa ashılǵan esik” atamasında sáwbetlesiw keshesi shólkemlestirildi.

• admin
• 14-May-2026
• 40

Usı jıldıń 14-may kúni Taqıyatas rayonı Málimleme-kitapxana orayı Abonement hám paydalanıwshılarǵa xızmet kórsetiw xızmeti qánigesi A.Tóreniyazova tárepinen “Kitapxana – dúnyaǵa ashılǵan esik” atamasında sáwbetlesiw keshesi shólkemlestirildi. Sáwbetke rayonlıq Mektepke shekemgi hám mektep bilimlendiriw bólimine qaraslı 1-sanlı ulıwma bilim beriw mektebiniń kitapxanashısı R.Qutlımuratova hám mekteptiń kitapqumar jasları qatnastı.

Kitapxana – bul ápiwayı kitap saqlanatuģın orın emes. Ol insandı bilimli, ádepli hám dúnyaqarası keń bolıwǵa shaqıratuǵın orın bolıp esaplanadı. Hár bir kitap – jańa bir álem, jańa bir ómir sabaǵı degeni. Kitap oqıǵan insannıń pikirlewi tereń, sóylewi tegis hám kewli bay boladı.

Ullı alımlarımız da kitap hám ilimniń áhmiyetin ayrıqsha atap ótken. Ábu Áli ibn Sina, Áliysher Nawayı, Beruniy sıyaqlı babalarımız ilim arqalı dúnyaǵa tanılǵan.

Olardıń tabısı artında kitap oqıw hám kitapxanaǵa bolǵan muhabbat jatadı dep kitapqumarlardı watanǵa muhabbat hám milliy qádiriyatlarǵa húrmet ruwxında tárbiyalawda kitaptıń ornı hám paydalı tárepleri haqqında A.Tóreniyazova óz sózinde aytıp ótti.