“Smartfonsiz bir kún” atamasında sáwbetlesiw keshesi shólkemlestirildi.

• admin
• 26-June-2026
• 50

“Ǵárezsizligimizdiń 35 jıllıǵı – Jańa Ózbekstan jasları názerinde” súreni astında hám iyun-avgust ayları piyshembi – “Jaslar kúni” sheńberinde usı jıldıń 25-iyun kúni Taqıyatas rayonı Málimleme-kitapxana orayında “Smartfonsız bir kún” atamasında sáwbetlesiw keshesi shólkemlestirildi.

Sáwbette Abonement hám paydalanıwshılarǵa xızmet kórsetiw xızmeti qánigesi A.Tóreniyazova tárepinen búgingi kúnde smartfonlar turmısımızdıń ajıralmas bólegine aylanǵanlıǵı, olar arqalı sóylesiw, maǵlıwmat izlew hám waqıt ótkeriwimiz múmkin ekenligi, biraq, geyde smartfondan bir kún waz keshiw insanǵa jańa tásirler hám paydalı shınıǵıwlar menen shuǵıllanıw imkaniyatın beriwi, smartfonsız kúndi kitapxanada ótkeriw eń jaqsı tańlawlardan biri ekenligi, kitapxana – ilim-aǵartıwshılıq, bilim hám pikirlew ornı, kitapxanada túrli temalarǵa baylanıslı kitaplar menen tanısıw, jańa bilimlerdi iyelew hám tınısh ortalıqta oqıw múmkin ekenligi, smartfon aljastırmaǵanı ushın kitap mazmunına tolıq itibar qaratıw ańsatlasatuǵını, smartfonsız bir kúndi kitapxanada ótkeriw waqıttan únemli paydalanıw, kitapqa mehir oyatıw hám jańa bilimlerge iye bolıw ushın ájayıp imkaniyat ekeni aytıp ótildi.

Sáwbet sońında kitapqumarlar ózleriniń súyikli kitapları hám shıǵarma qaharmanları haqqında sáwbetlesti.