Kitapxanamızǵa sayaxat shólkemlestirildi

• admin
• 09-August-2022
• 117

Usı jıldıń 9-avgust kúni Taqıyatas rayonı Málimleme-kitapxana orayında Taqıyatas rayonı Ishki isler bólimi xızmetkerleri tárepinen kıtapxanlıqtı úgit-násiyatlaw maqsetinde  kitapxanaǵa sayaxat shólkemlestirildi.

Kitapxananıń Abonement hám paydalanıwshılarǵa xızmet kórsetiw bólimi baslıǵı A.Tóreniyazova tárepinen kitapxanamız fondındaǵı kórkem ádebiyatlar ózbek, qaraqalpaq, rus tilinde baspadan shıǵarılǵan kitaplar bar ekenligi, sonıń menen birge kitap oqıw insan biliminiń dáregi bolıp, balalardıń kámil insan etip tárbiyalawda, shańaraqta perzent tárbiyasında kitaptıń ornı óz aldına ekenligi, watanǵa muhabbat, elge sadıqlıq ruwxında tárbiyalawda kórkem ádebiyattıń ornı júdá áhmiyetli ekenligi, búgingi kúnde rayonımız xalqı kitapqa bolǵan qızıǵıwshılıǵı kúnnen-kúnge artıp baratırǵanlıǵı haqqında aytıp ótildi.

Taqıyatas rayonı IIB Ruwxıy hám aǵartıwshılıq  isleri boyınsha — orınbasarı mayor Aliev Mansur Sarsenbaevich kitapxanaǵa keliwdiń maqseti, kitap oqıwdıń insan ushın paydalı táreplerin túsindirip ótti.

IIB qánigeleri kitapxanamızǵa aǵza bolıp, perzentleri ushın ádebiy kitaplardan alıp, ózleride kitapxanaǵa turaqlı túrde kelip turatuǵınlıǵın aytıp ótti.