“Kitabım-quyashım” temasında sáwbetlesiw ótkerildi.

• admin
• 21-June-2022
• 132

Usı jıldıń 20-iyun kúni, Taqıyatas rayonı «Aydın jol» balalar jazǵı dem alıw orayında, Taqıyatas rayonı Malimleme-kitapxana orayı qánigesi M.Xojantaeva tárepinen balalardıń bos waqıtların mazmunlı ótkeriw maqsetinde 3-topar balaları menen birgelikte, tábiyat qoynında sáwbetlesiw ótkerildi. Sáwbetlesiw dawamında balalardıń kitapqa bolǵan qızıǵıwshılıǵı boyınsha pikirleri tıńlandı hám olardıń kitap oqıwǵa bolǵan qızıǵıwshılıǵın asırıw maqsetinde «Ertekler áleminde», “Oltin beshik”, «Paxlavan-Rustam», «Ota vasiyati”, «Susambil» ertekleri oqıp berildi. Sonıń menen birge, balalar menen ertekler haqqında sáwbetlesip, balalar dúnyanı misli ertekler álemine megzeytuǵınlıǵı, shın kewilleri menen álemge ózgeshe kóz qarasta qaraytuǵınlıǵı, balalarımizdiń ertek kitaplarǵa bolǵan qızıǵıwshıǵı ayqın sezilip turar edi. Usı topar balaları A.Arazov hám D.Narbaevlar ózleriniń jaqsı kórip oqıǵan erteklerinen qısqasha aytıp berip, búgingi sáwbetlesiw keshesi mazmunlı hám qızıqlı tárizde juwmaqlandı.