«Keliń tanısamız, bizde jańa ádebiyatlar» atamasında sáwbetlesiw keshesi hám kitap kórgizbesi shólkemlestirildi.

• admin
• 13-September-2022
• 92

Usı jıldıń 12-sentyabr kúni Taqıyatas rayonı Xalıq bilimlendiriw bólimine qaraslı 4-sanlı mekteptiń 8-klass oqıwshıları menen birgelikte  «Keliń tanısamız, bizde jańa ádebiyatlar» atamasında sáwbetlesiw keshesi hám kitaplar kórgizbesi bolıp ótti. Sáwbetlesiwde mekteptiń kitapxanashıları, 8-klass oqıwshıları,  rayonlıq Málimleme-kitapxana orayınıń Málimleme-bibliografiya xızmeti qánigesi D.Utemuratova hám Málimleme-kommunikacion texnologiyaları hám sanlastırıw xızmeti qánigesi A.Vaysovalar qatnastı. Keshede D.Utemuratova tárepinen kitapxananıń jaylasqan mánzili, kitapxanaǵa aǵza bolıw tártip-qaǵıydaları sonıń menen birge kitapxananıń internet tarmaqlarındaǵı mánzilleri haqqında tolıq maǵlıwmat berip, oqıwshılardıń sabaqtan tıs bos waqıtların mazmunlı ótkeriw maqsetinde kitapxanaǵa shaqırıp qaldı.  Sonıń menen birge A.Vaysova tárepinen qaraqalpaq, ózbek, qazaq, rus tilindegi hám jáhán ádebiyatındaǵı ádebiy kitaplar bar ekenligi, kitaplardan oqıp paydalanıwǵa bolatuǵınlıǵı aytıp ótildi hám oqıwshılardı qızıqtırıw maqsetinde kórgizbedegi kitaplar menen tanıstırıp, olardıń mazmunı haqqında aytıp ótti. Oqıwshılardan Qurbanova Guldana, Urazbaeva Nesibeli, Atamuratova Mayralar ózleriniń qızıqtırǵan sorawlarına juwaplar aldı. Mekteptiń kitapxanashıları A.Redjepova hám A.Xasanova tárepinen oqıwshılardıń kitapqa bolǵan qızıǵıwshılıqların arttırıw maqsetinde  alıp barılıp atırǵan isler boyınsha óz pikirlerin bildirip ótti.