Joriy yilning 8-fevral kuni, Taxiatosh tumani Axborot-kutubxona markazi va Xalq ta’limi bo’limi bilan hamkorlikda tuzilgan qo’shma ish-rejaning ijrosini ta’minlash maqsadida Xalq ta’limi bo’limiga qarashli 4-sonli maktab kutubxonasida Axborot – kutubxona markazi xodimi J.Kadirbaeva va 4-sonli maktab kutubxonachisi A.Redjepova bilan birgalikda yoshlarning bilim saviyasini oshirish va ikki buyuk shaxs hayoti va ijodini yanada chuqurroq o’rganish maqsadida, buyuk mutafakkir, so’z mulkining sultoni Alisher Navoiy tavalludining 582 yilligi va Shox va shoir Zahriddin Muhammad Bobur tavalludining 540 yilligi munosabati bilan ikki buyuk shaxs hayoti va ijodidan «Kitobxonlar bilimdoni» mavzusida savol-javob viktorinasi tashkillashtirildi.
«Savol-javob» viktorinasida 4-sonli maktabning foal kitobxonlari qatnashdi. “Savol-javob” savollari asosan ikki buyuk shaxs hayoti va ijodidan tuzilgan bo’lib, kitobxonlardan 8v-sinf o’quvchilari Mayrambaeva Albina va Amanbaeva Aynura, 10b-sinf o’quvchisi Jangabaeva Manzura va 6b-sinf o’quvchisi Muratov Jahongirlar o’zlarining chaqqonligi va bilimdonligi bilan faol qatnashdilar. O’yin oxirida Axborot-kutubxona markazi tomonidan ishtirok etganlarga o’z minnatdorchiligini bildirdi.

2020 - 2026© Тақыятас районы Мәлимлеме-китапхана орайы