1-dekabr “Qoraqalpoq tilining qabul qilinganligiga 35-yil” to’lishi munosabati  bilan bayram kechasi tashkillashtirildi.

• admin
• 30-November-2024
• 42

1989 yil 1 dekabr — Qoraqalpog‘iston tarixidagi muhim sanalardan biridir. Shu kuni qoraqalpoq tiliga davlat tili maqomi berilgan. Har yili bu sana keng nishonlanib kelinadi.

Ushbu sana munosabati bilan joriy yilning, 29-noyabr kuni Taxiatosh tumani Axborot-kutubxona markazi va Respublika Ma’naviyat va ma’rifat markazi tuman bo’limi bilan birgalikda  bayram kechasi tashkillashtirildi. Tadbir boshida O‘zbekiston va Qoraqalpog‘iston Respublikalarining davlat madhiyasi yangradi. So‘ngra “Nuroniy” fondi tuman bo’limi rahbari A.Ersaidov  so‘zga chiqib, bayram tadbirini ochib berdi hamda yig‘ilgan tadbir ishtirokchilarini qoraqalpoq tiliga davlat tili maqomi berilgan kun bilan tabrikladi.

Taxiatosh tumani Axborot-kutubxona markazi ham o’zining  tilga bog’liq kitob ko’rgazmasi va yangi adabiyot ko’rgazmalari bilan qatnashishdi. Bayram kechasi davomida  Taxiatosh tuman hokimligi tomonidan  Taxiatosh tuman Axborot-kutubxona markazi  va bir qator faol tashkilotlar faxriy yorlig’i  bilan taqdirlanishdi.Taqdirlashdan so’ng qoraqalpoq xalqining milliy urf-odat va an’analarini o‘zida mujassam etgan kuy-qo‘shiqlar yangradi. Tuman Madaniyat bo‘limi tomonidan tayyorlangan konsert dasturi davomida qoraqalpoq xalqining tarixini, milliy qadriyatlarini, urf-odat va dasturlarini o‘zida mujassam etgan raqslar bilan bayram tadbiri ko‘tarinki ruhda davom etdi.