Тақыятас районы
Мәлимлеме-китапхана орайы
Тақыятас районы
Мәлимлеме-китапхана орайы
2022-jıldıń 19-avgust kúni, “Jańa Ózbekstanda el áziz, insan áziz” súreni astında “Mánáwiyat festivalı” bolıp ótti. Bunda, Ózbekstanǵa xızmet kórsetken jazıwshı-shayırlar, artist-aktyorlar Taqıyatas rayonında miymanda boldı. Kelgen miymanlarǵa balalardıń qol ónerleri tárepinen tayarlanǵan buyımlardan, sonıń menen birge Taqıyatas rayonı Málimleme-kitapxana orayı tárepinen tayarlanǵan kitaplar kórgizbesi menen tanıstırıldı.“Mánáwiyat festivalı” dawamında Taqıyatas rayonı hákimi I.Matkarimov sózge shıǵıp búgingi festival menen kelgen miymanlardı qutlıqlap, óziniń eń jaqsı pikirlerin aytıp ótti. Kelgen miymanlarda óz gezeginde qaraqalpaq hám ózbek xalıqlarınıń awızbirshiligi, elimizdiń tınıshlıǵı haqqında pikirlerin aytıp, nuranıy aǵalarımız benen sáwbetlesti hám pikirlesti, mádeniyat xızmetkerleri tárepinen qosıqlar aytılıp festival kewilli tárizde dawam ettirildi.
Kelgen miymanlardıń názerinen usı jerde dem alıp júrgen ballardıń da názerinen shette qalmadı. Aktyor Hamid Tashpwlatov balalar menen sáwbetlesip, qosıqshılar tárepinen jaqsı-jaqsı qosıqlar atqarıldı, keleshekte jaqsı insanlar bolıp jetilisiwinde kitaplar oqıw kerekligi aytıldı, jaslarǵa kitap oqıtıwda Prezidentimiz Sh.M.Mirziyoev tárepinen kóplegen sharayatlar jaratılıp atırǵanlıǵı ayrıqsha tilge alınıp aytıp ótildi. Balalarǵa da kitapxana tárepinen kitaplar kórgizbesi shólkemlestirildi, balalardıń kitap haqqında pikirleri tıńlandı, rayonlıq kitapxananıń jetiskenlikleri “O’zbekiston24” telekanali itibarınan shette qalmadı hám Abonament hám paydalanıwshılarǵa xızmet kórsetiw xızmeti qánigesi D.Xalbaeva tárepinen “Ashıq byudjet”ten kitapqumarlarımızdıń qollap quwatlawı menen 300 mln swm pul utıp alınǵanlıǵı hám usı pullarǵa kitaplar alınıp, kitapqumarlardıń kitapxanaǵa keliwler sanı kúnnen-kúnge artıp baratırǵanlıǵı aytıp ótildi. Mazmunlı hám qızıqlı ótkerilgen ushırasıw balalardıń quwanıshına quwanısh baǵıshladı.
2020 - 2026© Тақыятас районы Мәлимлеме-китапхана орайы
