“Aydın jol” balalar dem alıw orayında “Kitapxanaǵa márhamat” atamasında kitapxanaǵa sayaxat shólkemlestirildi.

• admin
• 03-July-2025
• 61

Usı jıldıń 3-iyul kúni, Taqıyatas rayonı “Aydın jol” balalar jazǵı dem alıw orayına gezektegi dem alıwshı balalar bardı.

Dem alıw orayına kelgen balalar dem alıw orayındaǵı sharayatlar, sport, “Bárkamal áwlad” mektebiniń hár qıylı dógerekleri, sonıń ishinde, kitapxana menen tanıstırıldı hám “Kitapxanaǵa márhamat” atamasında kitapxanaǵa sayaxat shólkemlestirildi.

Sayaxat waqtında, balalarǵa kitapxananıń Taqıyatas rayonı Málimleme-kitapxana orayı tárepinen shólkemlestirilgenligi, kitapxanadaǵı ózbek, qaraqalpaq, rus, inglis-ózbek tilindegi balalar ádebiyatları hám kórkem ádebiyatlardan oqıp paydalanıwları, sonıń menen birge hár qıylı ilajlardıń shólkemlestiriliwi haqqında kitapxanashı A.Toreniyazova tárepinen aytıp ótildi.

Bunnan soń, balalar menen birgelikte “Meniń eń súyikli kitabım” atamasında ózleri súyip oqıǵan kitapları haqqında hám ondaǵı ertek yamasa gúrrińlerdegi qızıqlı waqıyalar haqqında sáwbetlesti. Dem alıwshı balalar hár kúni kitap oqıwın hám qızıqlı dem alıs kúnlerin kitap penen ótkeriwin aytıp ótti.