“Kitapqumar ana – keleshek tiykarı” atamasında sáwbetlesiw keshesi shólkemlestirildi.

• admin
• 16-March-2026
• 57

Usı jıldıń 16-mart kúni Taqıyatas rayonı Málimleme-kitapxana orayı Abonement hám paydalanıwshılarǵa xızmet kórsetiw xızmeti qánigesi A.Tóreniyazova tárepinen “Kitapqumar analar” kúni múnásibeti menen “Kitapqumar ana – keleshek tiykarı” atamasında sáwbetlesiw keshesi shólkemlestirildi. Sáwbet miymanı – eń gózzal analardan biri, kitapxananıń belsendi aǵzası Feruza Umirzakova boldı. Búgingi tema ana mehriniń sheksizligi hám kitaptıń insan ómirindegi sheksiz ornı haqqında sóz etiwge baǵıshlandı.

Ana – shańaraqtıń qálbi, perzent tárbiyasınıń eń áhmiyetli ústini esaplanadı. Kitap bolsa insandı aǵartıwshılıq, bilim hám danıshpanlıqqa jetekleytuǵın biybaha dárek bolıp esaplanadı.

Kitapqumarımız óz sózinde – Kitap – insannıń eń jaqın dostı, keńesgóyi, kitap oqıǵan insannıń dúnya qarasınıń keńeyiwi, ruwxıylıǵınıń joqarılawı, ásirese, analar kitapqumar bolsa, olardıń perzentleriniń de kitapqa mehiri oyanıwı, perzent kóbinese ata-anasına qarap úlgi alıwı sonıń ushın hár bir ana kitap oqıwı kerek ekenligin aytıp ótti. Sáwbet sońında kitapqumar anamız óziniń súyip oqıǵan kitapları haqqında aytıp berdi.