“Meniń huqıqım – meniń qorǵawım” atamasında sáwbetlesiw keshesi shólkemlestirildi.

• admin
• 18-March-2026
• 45

Usı jıldıń 17-mart kúni Taqıyatas rayonı Málimleme-kitapxana orayı Abonement hám paydalanıwshılarǵa xızmet kórsetiw xızmeti qánigesi N.Mamutova tárepinen “Meniń huqıqım – meniń qorǵawım” atamasında sáwbetlesiw keshesi shólkemlestirildi.

Keshede 3-sanlı mekteptiń Shaqırıwǵa shekem baslanǵısh tayarlıq baslıǵı R.Xalikov hám mekteptiń kitapqumar jasları qatnastı. Sáwbet dawamında Shaqırıwǵa shekemgi baslanǵısh tayarlıq basshısı kitapqumarlarǵa huqıqlar – insannıń erkin jasawı, bilim alıwı, pikir bildiriwi hám ózin qorǵawı ushın xızmet etiwi, sonday-aq, huqıq – bul insannıń nızam menen qorǵalǵan imkaniyatları, hár bir insan jasaw huqıqına, bilim alıw huqıqına, salamat turmıs keshiriw huqıqına iye, ásirese, jaslar ushın bilim alıw huqıqı eń áhmiyetli huqıqlardan biri ekenin óz sózinde aytıp ótti.

Búgingi kúnde huqıqıy bilimlerdi arttırıw júdá áhmiyetli. Sebebi huqıqıy sawatlılıq – bul kúsh. Huqıqın bilgen insan hesh qashan kemsitilmeydi. Hár bir insan óz huqıqların biliwi, olarǵa húrmet penen qarawı zárúr.