Kitapxana boylap sayaxat.

• admin
• 19-May-2026
• 58

Usı jıldıń 18-may kúni Taqıyatas rayonı Málimleme-kitapxana orayına rayonlıq Mektepke shekemgi hám mektep bilimlendiriw bólimine qaraslı 2-sanlı ulıwma bilim beriw mektebi tárepinen sayaxat shólkemlestirildi.

Sayaxat dawamında kitapxana xızmetleri, kitap fondı hám zamanagóy málimleme xızmetleri, kitaplardı izlew hám kitap oqıwdıń insan ómirindegi áhmiyeti haqqında maǵlıwmatlar aytıp ótildi. Sonıń menen birge oqıwshılar kórkem ádebiyatlar, balalar ádebiyatları hám jańadan basıp shıǵarılǵan shıǵarmalar kórgizbesin úlken qızıǵıwshılıq penen tamashaladı. Sonday-aq, kitapqumarlıqtı úgit-násiyatlawǵa qaratılǵan sáwbet hám soraw-juwaplar shólkemlestirilip, belsene qatnasqan oqıwshılar xoshametlendi.

Bul sayaxat jaslardıń kitapqa bolǵan qızıǵıwshılıǵın arttırıw, olardıń bos waqtın mazmunlı shólkemlestiriw hám ruwxıy dúnyasın bayıtıwda úlken áhmietke iye.