Kitapxana boylap sayaxat

• admin
• 22-May-2026
• 20

Usı jıldıń 21-may kúni Taqıyatas rayonı Málimleme-kitapxana orayına rayonlıq Mektepke shekemgi hám mektep bilimlendiriw bólimine qaraslı 2-sanlı ulıwma bilim beriw mektebiniń 7-klass oqıwshıları tárepinen ruwxıy-aǵartıwshılıq sayaxat shólkemlestirildi.

Abonement hám paydalanıwshılarǵa xızmet kórsetiw xızmetiniń basshısı J.Qodirbaeva tárepinen kitapxana xızmetleri, kitap fondı, kitapxanadan paydalanıw tártibi ámeliy tárizde kórsetip berildi. Sonday-aq, kitapqumarlıqtıń áhmiyeti, oqıwdıń insan oy-pikirin hám dúnyaqarasın bayıtıwdaǵı ornı haqqında túsinikler berildi. Sayaxat dawamında miymanlar kitapxanadaǵı jańa ádebiyatlar menen tanıstı. Bunday ruwxıy-aǵartıwshılıq sayaxatlar jaslar arasında kitapqumarlıq mádeniyatın arttırıw, bilim alıw hám bos waqtın mazmunlı ótkeriwge xızmet etedi.