“Bir shıǵarma tariyxı” kúnine baǵıshlap “Garri Potter – ápsanaǵa aylanǵan shıǵarma” atamasında sáwbetlesiw keshesi shólkemlestirildi.

• admin
• 02-July-2026
• 99

Usı jıldıń 2-iyul kúni Taqıyatas rayonındaǵı “Aydın jol” balalar dem alıw orayındaǵı kóshpeli kitapxanada “Bir shıǵarma tariyxı” kúnine baǵıshlap “Garri Potter – ápsanaǵa aylanǵan shıǵarma” atamasında sáwbetlesiw keshesi shólkemlestirildi. Sáwbetti Málimleme-kitapxana orayı Abonement hám paydalanıwshılarǵa xızmet kórsetiw xızmeti qánigesi A.Tóreniyazova alıp bardı.
A.Tóreniyazova dem alıw orayı balaları ushın Joan Rouling tárepinen jazılǵan “Garri Potter” shıǵarması dúnyadaǵı eń belgili balalar hám jas óspirimler ádebiyatınıń shıǵarmalarınan biri esaplanatuǵının, sıyqırshılıq baǵdarındaǵı qızıqlı waqıyaları menen balalardıń qálbinen orın alǵanın, shıǵarmanıń tiykarǵı ideyaları – doslıq, mártlik, miyrim-shápáát, ádillik hám jaqsılıqtıń jawızlıq ústinen jeńisi ekenligin aytıp, balalar menen birgelikte “Garri Potter” filmin kórdińiz be?, “Garri Potter” kitabın kim jazǵan?, “Garri qaysı mektepte oqıydı?,” “Garriniń eń jaqın dosları kimler?” – dep soraw-juwaplar berdi.
Sáwbet sońında balalar Garri Potter filmindegi ájayıp waqıyalar haqqında sóylesti.