Qaraqalpaq xalıq jazıwshısı Mırzaǵaliy Daribaevtıń “Mıńlardıń biri” kitabı boyınsha tańlaw ótkerildi.

• admin
• 31-March-2022
• 108

Taqıyatas rayonı Málimleme-kitapxana orayı hám rayon Xalıq bilimlendiriw bólimi menen birgelikte,  jaslar mánáwiyatın rawajlandırıw,  jaslardı kitap oqıwǵa qızıqtırıw maqsetinde qospa is- jobası islep shıǵılıp,  usı jobanıń orınlanıwın támiyinlew maqsetinde 2022-jıldıń 30-mart sánesinde Taqıyatas rayonı Málimleme-kitapxana orayınıń,  Málimleme-kommunikaciya texnologiyası hám sanlastırıw xızmeti qánigesi A. Vaysova tárepinen rayonımızdaǵı 4-sanlı ulıwma bilim beriw mektebinde qaraqalpaq xalıq jazıwshısı Mırzaǵaliy Daribaevtıń “Mıńlardıń biri” kitabı boyınsha tańlaw ótkerildi. Tańlawǵa,  mektep kitapxanashısı Z. Orinbaeva,  A. Xasanova,  mektep úgit-násiyatshısı X. Yusupova,  Maǵlıwmat -bibliografiya xızmeti qánigesi D. Utemuratova,  Málimleme-kommunikaciya texnologiyası hám sanlastırıw xızmeti basshısı M. Kadirovlar qatnastı.    A. Vaysova  2021-jılda Nókis “Bilim” baspasınan baspadan shıǵarılǵan Qaraqalpaq xalıq jazıwshısı Mırzaǵaliy Daribaevtıń “Mıńlardıń biri” kitapı boyınsha tańlaw basqıshları  shártleri haqqında túsindirildi. Qatnasıwshı oqıwshılar jami 11 oqıwshı tańlawda belsene qatnasıp, tańlaw 2 basqıshdan ibarat bolıp,  1-basqısh hár bir qatnasıwshınıń “Mıńlardıń biri” kitabın tolıq oqıǵanlıǵın anıqlaw maqsetinde 20 minut dawamında bayan jazıp beriwleri,  2-basqıshta kitaptan sorawlar berilip juwap qaytarıw kerekligi aytıp ótilip,  tańlaw joqarı dárejede ótkerildi.  Tańlawǵa kitapxan jaslar belsene qatnasıp,  jeńimpaz bolǵan qatnasıwshılar, M. Kadirov tárepinen aytıp ótilip, solardan, 10 a-klass oqıwshısı Qurbanbaeva Mirxan 1-orındı,  8 v-klass oqıwshısı Jalǵasbaeva Gulzar 2-orındı,  9 v-klass oqıwshısı Begjanova Maryash 3-orındı iyeledi.     Jeńimpazlarǵa Málimleme-kitapxana orayı tárepinen “Húrmet jarlıǵı” hám hár túrli ádebiy kitaplar sawǵa etip berildi.