“Ashıq aspan astında kitap oqıymız” atamasında kitapqumarlıq ilajı shólkemlestirildi.

• admin
• 24-July-2025
• 57

2025-jıl 23-iyul kúni Taqıyatas rayonı Málimleme-kitapxana orayı hám Xojeli rayonı Málimleme-kitapxana orayı menen birgelikte Taqıyatas rayonı “Aydın jol” balalar salamatlandırıw dem alıw orayında dem alıw ornı balalarınıń qatnasıwında “Ashıq aspan astında kitap oqıymız” atamasında kitapqumarlıq ilajı shólkemlestirildi. Bunnan maqset, balalardıń jazǵı dem alıs dáwirinde kitapqa bolǵan qızıǵıwshılıǵın arttırıw, olardı kitap oqıwǵa tartıw, bos waqıtların mazmunlı ótkeriwden ibarat.

Dem alıw orayınıń jap-jasıl tábiyat kórinisinde dem alıwshı balalar ózleri súygen kitapların oqıdı, oqıǵan kitapları haqqında bir-biri menen pikir alıstı. Kitapxana xızmetkerleri bolsa balalarǵa belgili jazıwshılar dóretiwshiliginen qızıqlı gúrrińler, qosıqlar hám úzindiler oqıp berdi.

Ilaj balalarda unamlı tásir qaldırdı. Bunday ilajlar arqalı jas áwladtı kitapqumarlıqqa baǵdarlaw, olardıń ruwxıy dúnyasın bayıtıw múmkin.