“Xan atlas” aylıǵı sheńberinde kitaplar kórgizbesi shólkemlestirildi.

• admin
• 15-September-2025
• 57

Shańaraq hám hayal-qızlar komiteti tárepinen milliy kiyimlerimizde xalqımızdıń mıń ásirlik ótmishi, úrp-ádet hám dástúrleri, talǵamı, estetikalıq kózqarasları jáne ózine tán ózgeshelikleriniń jámlengenligin kórsetiw, milliy qádiriyatlarımızdı mazmun jaǵınan bayıtıw maqsetinde “Xan atlas” festivalınıń gezektegi basqıshı – 2025-jıldıń sentyabr ayında respublikamızdıń barlıq aymaqlarında “Xan atlas” aylıǵı ótkeriliwi rejelestirilgen. Usı aylıq sheńberinde usı jıldıń 15-sentyabr kúni Taqıyatas rayonı Málimleme-kitapxana orayında atlas hám adraslar, milliylikti sáwlelendiriwshi kitaplar hám súwretli kórgizbeler shólkemlestirildi. Sonday-aq, kitapxanaǵa kelgen paydalanıwshılarǵa kórgizbedegi kitaplar tanıstırılıp ótildi. Málimleme-kitapxana orayınıń xızmetkerleri kún dawamında milliy lipaslarda paydalanıwshılarǵa xızmet kórsetti.