“Kitapqumar analar” kúni múnásibeti menen “Kitapqumar ana-shańaraq nurı” atamasında sáwbetlesiw keshesi shólkemlestirildi.

• admin
• 15-December-2025
• 87

Usı jıldıń 10-dekabr kúni Taqıyatas rayonı Málimleme-kitapxana orayı Abonementler hám paydalanıwshılarǵa xızmet kórsetiw xızmeti qánigesi Aóreniyazova tárepinen “Kitapqumar analar” kúni múnásibeti menen “Kitapqumar ana-shańaraq nurı” atamasında sáwbetlesiw keshesi shólkemlestirildi.

Sáwbet miymanı belsendi kitapqumar, perzentler tárbiyasında sheksiz orın ieleytuǵın mehriban ana, Qaraqalpaqstan Pedagogikalıq Texnikumı Qaraqalpaq tili hám ádebiyatı páni oqıtıwshısı hám metodisti Guljahan Abdullaeva hám kitapqumarlar boldı.

Sáwbet dawamında miymanımız óz sózinde – Ana – shańaraq besigi, kitap bolsa onıń ruwxıy ústini. Ana tárbiyası – eń ullı mektep, kitap bolsa onıń eń jaqın járdemshisi, kitap oqıw men ushın tek bilim dáregi emes, al ruwxıy táselle. Perzentlerimdi de kitapqa qızıqtırıwǵa háreket etemen. Olar menen birge oqıp, birge tartısamız. Bul biziń shańaraqlıq dástúrimizge aylanǵan dep óziniń qızǵın pikirlerin aytıp sonday-aq, kitap oqıwshılarǵa kitap oqıw boyınsha usınısların da aytıp ótti.