“Hayallar baxıtlı bolsa, jámiyet baxıtlı” súreni astında “Hayallardı qádirlew” aylıǵı sheńberinde “Hayallarǵa húrmet – ruwxıy baylıq” atamasında sáwbetlesiw keshesi shólkemlestirildi.

• admin
• 17-February-2026
• 49

Mámleketimiz basshısınıń baslaması menen elimizde hayal-qızlardı hár tárepleme qollap-quwatlaw, olardıń sociallıq-ekonomikalıq hám siyasiy belsendiligin arttırıw, bántligin támiyinlew, isbilermenlikke keńnen tartıw baǵdarında keń kólemli ilajlar ámelge asırılıp atırǵanı, 8-mart – Xalıqaralıq hayal-qızlar kúnin keńnen belgilew, sonday-aq, usı jıl 15-fevraldan 15-martqa shekem barlıq aymaqlarda “Hayal-qızlar baxıtlı bolsa, jámiyet baxıtlı” súreni astında “Hayallardı qádirlew” aylıǵın joqarı dárejede shólkemlestiriw boyınsha ilajlar baǵdarlaması islep shıǵılǵan. Usı ilajlar baǵdarlamasın támiyinlew maqsetinde usı jıldıń 16-fevral kúni Taqıyatas rayonı “Doslıq” mákan puqaralar jıyınında Taqıyatas rayonı Málimleme-kitapxana orayı tárepinen “Hayal-qızlarǵa húrmet – ruwxıy baylıq” atamasında sáwbetlesiw keshesi shólkemlestirildi.

“Doslıq” MPJ hayal-qızlar belsendisi R.Sultanmuratova óziniń qızǵın pikirleri menen ilajdı ashıp berdi. Sáwbetke “Doslıq” MPJda jasawshı belsendi hayal-qızlar qatnastı. Ilajdı Málimleme-kitapxana orayı Málimleme-bibliografiya xızmeti qánigesi A.Abieva alıp bardı.

Sáwbette mámleketimizde hayal-qızlardıń hár tárepleme qollap-quwatlanıwı, olardıń elimizde tutqan ornı, ilim tarawlarında hayal-qızlardıń jetikligi haqqında sáwbetlesti. Sáwbet sońında, sáwbet qatnasıwshıları tárepinen Ana, hayal temalarında qosıqlar aytıp ótildi.