“Sanlı kitapxana hám onıń áhmiyeti” atamasında úgit-násiyat jumısları alıp barıldı.

• admin
• 10-April-2026
• 30

Usı jıldıń 9-aprel kúni Respublikalıq Ruwxıy-aǵartıwshılıq orayı Taqıyatas rayonlıq bóliminde Taqıyatas rayonı Málimleme-kitapxana orayınıń Málimleme-kommunikaciya texnologiyaları hám sanlastırıw xızmeti qánigesi A.Vaysova tárepinen xalıqtıń kitapqumarlıq mádeniyatın arttırıw, kitapqa bolǵan qızıǵıwshılıǵın jáne de kúsheytiw, sonday-aq, zamanagóy sanlı baǵdarlamalar imkaniyatları arqalı kitapxanaǵa tartıw maqsetinde “Sanlı kitapxana hám onıń áhmiyeti” atamasında úgit-násiyat jumısları alıp barıldı.

Sanlı kitapxana – bul kitaplar, maqalalar, jurnallar hám basqa da málimleme dereklerin elektron túrde saqlaytuǵın hám internet arqalı paydalanıw imkaniyatın beretuǵın zamanagóy málimleme sisteması bolıp tabıladı. Bunday kitapxanalar dástúriy kitapxanalardıń jańa basqıshi bolıp, maǵlıwmattı tez hám qolaylı tárizde jetkeriwge xizmet etedi. Sanlı kitapxananıń eń tiykarģı abzallıqlarınan biri waqıt hám aralıqtan ģárezsizlik. Paydalanıwshılar qálegen jerde hám qálegen waqıtta kerekli kitap yamasa maǵlıwmattı tabıwı múmkin. Bul ásirese studentler, oqıtıwshılar hám izertlewshiler ushın júdá qolaylı.

Ilajda A.Vaysova tárepinen sanlı kitapxana hám onıń áhmiyeti haqqında maǵlıwmatlar berip ótildi. Sonday-aq, Málimleme-kitapxana orayınıń sociallıq tarmaqları, QR-kodlı kitapları kórsetip ótildi hám kitapxananıń sociallıq tarmaqlarına aǵza bolıp, paydalanıwı ushın bukletleri tarqatıldı.