Xiywaǵa sayaxat shólkemlestirildi.

• admin
• 12-May-2026
• 34

Usı jıldıń 10-may kúni Taqıyatas rayonı Málimleme-kitapxana orayı xızmetkerleri tárepinen Ózbekstannıń eń eski hám gózzal qalalarınan biri Xorezm wálayatında jaylasqan Xiywa qalasına sayaxat shólkemlestirildi.

Xiywa qalası óziniń tariyxıy estelikleri, áyyemgi kósheleri hám milliy ortalıǵı menen belgili. Qalanıń eń belgili bólimi – Iyshan qala. Bul aymaq biyik diywallar menen qorshalgan bolıp, ishinde kóplegen meshitler, medreseler, minaralar hám saraylar jaylasqan.

Xiywa – tariyx, mádeniyat hám milliy dástúrler jámlengen biytákirar qala. Sonday-aq, jańadan qurılǵan Arda Xiywaǵa da sayaxat etildi. Ol jerdegi gózzal kórinis, sarqıramalar hám suwlardaǵı qayıqlar – bulardıń hámmesi ájayıp kórinisti sáwlelendiredi.

Málimleme-kitapxana orayınıń xızmetkerleri sayaxattan ájayıp hám umıtılmas tásirler menen qayttı.