“Aydın jol” balalar dem alıw orayında “Milliy qádiriyatlar” kúni múnásibeti menen kitaplar kórgizbesi shólkemlestirildi.

• admin
• 24-July-2025
• 35

Usı jıldıń 22-iyul kúni Taqıyatas rayonı “Aydın jol” balalar dem alıw orayında dem alıp atırǵan balalardıń bos waqıtların mazmunlı hám qızıqlı ótkeriw hám olar arasında qızıqlı oyınlar shólkemlestiriw maqsetinde “Milliy qádiriyatlar” kúni múnásibeti menen kórgizbe hám milliy ayaq oyınları shólkemlestirildi. Bul kórgizbede Taqıyatas rayonı Málimleme-kitapxana orayınıń kóshpeli kitapxanası tárepinen kitaplar kórgizbesi shólkemlestirildi. Sonday-aq, dem alıw orayınıń balaları hám tárbiyashıları kitaplar kórgizbeleri hám rayonlıq “Bárkamal áwlad” balalar mektebi tárepinen qol miynetlerinen ibarat kórgizbeler menen tanıstı.

Bunnan maqset, oqıwshılardıń jazǵı dem alıs kúnlerin mazmunlı shólkemlestiriw, olardıń qızıǵıwshılıqların hám qábiletlerin kórsetiw hám dógereklerge oqıwshılardıń qamtıp alınıwın jáne de arttırıwdan ibarat.

Bayram ilajına dem alıw orayındaǵı barlıq balalar hám tárbiyashılar qatnastı hám olar tárepinen hár qıylı ayaq oyınlar, nama-qosıqlar atqarıldı.