“Aǵartıwshı jadidler izinen” atamasında sáwbetlesiw keshesi shólkemlestirildi.

• admin
• 16-March-2026
• 44

Usı jıldıń 13-mart kúni Taqıyatas rayonı Málimleme-kitapxana orayı tárepinen Taqıyatas rayonı “Keleshek orayı” balalar mektebiniń oqıwshıları ushın “Aǵartıwshı jadidler izinen” atamasında sáwbetlesiw keshesi shólkemlestirildi. Sáwbetti Málimleme-kitapxana orayı qánigesi N.Mamutova alıp bardı. Sáwbetlesiwge “Keleshek orayı”nıń “Shańaraq miyirbiykesi” dógeregi oqıwshıları hám dógerek baslıǵı G.Qutlımuratova, “Pishiw, tigiw” dógeregi baslıǵı N.Xaybullaeva hám dógerek oqıwshıları qatnastı.

Bunda, jadidlerimiz Mahmudxoja Behbudiy, Abdulla Avloniy, Munavvarqari Abdurashidxonov, Abdurauf Fitrat sıyaqlı kóplegen ziyalılar tárepinen gazeta hám jurnallar shıǵarılǵanlıǵı, mektepler ashılǵanlıǵı, teatr hám ádebiyat arqalı xalıqtı oyanıwǵa háreket etkenligi, sonday-aq, “Jadidler” kitabında áne usı ullı aǵartıwshılardıń ómiri, iskerligi, maqset hám ideyaları haqqında tolıq maǵlıwmat berilgenligi N. Mamutova tárepinen aytıp ótildi. Bunnan maqset – jadidler kitabı arqalı jaslarımızdı jadidler miyrası menen tanıstırıw, olardıń aǵartıwshılıq ideyaların úgit-násiyatlawdan hám jadidlerdiń millet rawajlanıwı, erkin pikir hám rawajlanıw jolında etken pidákerlik miynetleri menen jaqınnan tanıstırıwdan ibarat. Shıǵarmada olardıń ilim-aǵartıwshılıq, milliy oyanıw hám erkin pikirlew haqqındaǵı kózqarasları keńnen sáwlelendirilgen. Jadidler bizge ilim alıw, watan rawajlanıwı ushın xızmet etiw, millet keleshegi ushın juwapkershilik penen jasaw kerekligin úyretedi.