Taqıyatas rayonı Málimleme-kitapxana orayı tárepinen “Ájeler úgiti – ómir sabaqları” atamasında úlgili shańaraqqa barıldı.

• admin
• 06-May-2026
• 45

Usı jıldıń 6-may kúni Taqıyatas rayonı Málimleme-kitapxana orayı tárepinen “Ájeler úgiti – ómir sabaqları” atamasında úlgili shańaraqqa sapar shólkemlestirildi. Bul sapar sheńberinde úlgili shańaraqta jıllı hám qızǵın ortalıqta ushırasıw shólkemlestirildi.

Bul ushırasıw Xaytbaevlar shańaraǵında bolıp ótti. Xaytbaevlar shańaraǵı máhállede óziniń awızbirshiligi, tárbiyalı perzentleri hám kitapqumarlıq dástúrleri menen ajıralıp turatuǵın úlgili shańaraq bolıp esaplanadı. Shańaraq aǵzaları birgelikte kitap oqıp, ásirese, apa tárepinen berilgen turmıslıq úgit-násiyatlar jaslar ushın áhmiyetli sabaq boldı. Úlken áwladtıń bay tájiriybesi hám qızǵın sáwbetleri balalardıń ruwxıy jetilisiwine unamlı tásir kórsetti. Sonday-aq, ushırasıw dawamında shańaraq aǵzalarına kórkem hám tárbiyalıq kitaplar berildi. Bul bolsa kitapqumarlıqtı jáne de rawajlandırıw, jas áwladtı ilim-aǵartıwshılıqqa qamtıp alıwda áhmiyetli qádem boldı.

Juwmaqlap aytqanda, Xaytbaevlar shańaraǵında ótkerilgen bul ushırasıw jaslar tárbiyasında shańaraq hám kitaptıń teńsiz ornı bar ekenligin jáne bir márte kórsetti. Ushırasıw juwmaǵında shańaraq aǵzaları bunday saparlar jaslar tárbiyasında áhmiyetli orın iyeleytuǵının aytıp, kitapqumarlıqtı jáne de rawajlandırıwǵa qaratılǵan jumıslardan minnetdar ekenligin aytıp ótti.