2022-jıldıń 31-oktyabr kúni Taqıyatas rayonı 7-sanlı Balalar muzıka hám kórkem-óner mektebinde Taqıyatas rayonı Málimleme – kitapxana orayı tárepinen “INFOLIB Ózbekistan – 2022” XI milliy Málimleme-kitapxana hápteliginiń ashılıw keshesi bolıp ótti.

• admin
• 01-November-2022
• 93

Usı jıldıń 31-oktyabr kúni Taqıyatas rayonı 7-sanlı Balalar muzıka hám kórkem-óner mektebinde Taqıyatas rayonı Málimleme – kitapxana orayı tárepinen “INFOLIB Ózbekistan – 2022” XI milliy Málimleme-kitapxana hápteliginiń ashılıw keshesi bolıp ótti.  INFOLIB UZBEKISTAN-2022” XI milliy Málimleme-kitapxana hápteligin ótkeriwden tiykarǵı maqset respublikada málimleme-kitapxana salasın jáne de rawajlandırıw,  xalıqtıń málimleme deregin alıw formaları hám usıllarınan xabarlı qılıw,  paydalanıwshılarǵa málimleme-kitapxana xızmetlerin kórsetiw,  kitapqumarlıqtı úgit-násiyatlaw,  kitapqumarlıq kólemin keńeytiwden,  xalıqtıń bilim dárejesin asırıwǵa qaratılǵan ilajlar arqalı xalıqtıń kitapqumarlıqqa qızıǵıwshılıǵın asırıwdan ibarat.Búgingi ilájǵa,  rayon hákimi orınbasarı
X. Tawmuratov,  tájiriybeli teleradio jurnalist “Taxiatosh xabarları” gazetası redaktorı “Nurlı jol” gazetası Qaraqalpaqstan Respublikası boyınsha arnawlı xabarshı Tlewxan Shamekova,  Xalıq bilimlendiriw bólimi sabaqlıqları boyınsha metodisti Bibiruza Kemalova hám barlıq mektep kitapxanashıları,  rayon Mádeniyat bólimi,  dóretiwshilik- mádeniy máseleri boyınsha úgit-násiyatshıları,  kitapxan jaslar belsene qatnastı.  Hápteliktiń ashılıw máresimin Xalıq bilimlendiriw bólimi sabaqlıqları boyınsha metodisti Bibiruza Kemalova qutlıqlaw sózi menen ashıp berdi xám búgingi kúnde rayonımızda rayon Málimleme-kitapxana orayı menen bir qansha kitapxanlıq ilajları xámde  bayramlar bergelikte ámelge asırılıp kiyatırǵanlıǵın aytıp ótti. Rayon jasların kitap oqıwǵa bolǵan qızıǵıwshılıǵın arttırıw maqsetinde usınday hápteliklerdiń ótkeriliwi,  jazıwshı hám shayırlar menen tıǵız baylanısta bolıwı,  jaslardıń kitap oqıwǵa bolǵan qızıǵıwshılıqları óziniń  nátiyjesin beriwin aytıp hámmeni “INFOLIB UZBEKISTAN-2021” XI milliy Málimleme kitapxana hápteliginiń ashılıw máresimi menen qutlıqlawladı.  Sonıń menen birge,  Ózbekstan hám Qaraqalpaqstan jazıwshılar awqamı aǵzası,  balalar shayırı hám jazıwshısı Qaraqalpaqstan Respublikasına xızmet kórsetken jurnalist Yaqıpbay Ájimov hám Ózbekstan hám Qaraqalpaqstan jazıwshılar awqamı aǵzası,  Qaraqalpaqstan Respublikasına xızmet kórsetken jurnalist Joldasbay Nurıllaevlarǵa sóz gezegi berildi. Yaqıpbay Ájimov búgingi ótkerilip atırǵan  hápteliktiń axmiyetli ekenligin,  sonıń birge  kitapxana hám kitapqumar jaslardı birlestiriw kerekligin aytıp ótti hám óz qáleminen dóregen qosıq qatarların  oqıp berdi. Rayonımızdıń búgingi kúnde jaslardı tárbiyalawda hám olarǵa ustazlıq etip kiyatırǵan Qaraqalpaqstan Respublikasına xızmet kórsetken jurnalist nuranıy Joldasbay Nurıllaev óz sózinde húrmetli Prezidentimiz tárepinen jaslarǵa berilip atırǵan itibarı hám ǵamxorlıǵı,  bunda jaslardı kitap oqıwǵa qızıqtırıw ushın “Yosh kitobxonlar” tańlawınıń ótkerilip atırǵanlıǵı sonıń nátiyjesinde jaslardıń kitap oqıwǵa  bolǵan qızıǵıwshılıǵı artıp atırǵanlıǵın aytıp óttip óz qáleminen dóregen qosıq qatarların  oqıp berdi.    Iláj dawamında, Yaqıpbay Ájimov hám Joldasbay Nurıllaevlar kitapqumar jaslarımız tárepinen ózleriniń qızıqtırǵan sorawlarǵa juwap aldı hám rayonımızdıń №7 sanlı Balalar muzıka hám kórkem-óner mektep oqıwshıları tárepinen qosıq hám ayaq oyınlar atqarıldı. Xalıq tálimi bólimine qaraslı 6 -sanlı mektep oqıwshıları tárepinen “Qırıq qız” dástanınan saxna kórinisi miymanlar názerine usınıldı. Iláj sońında  Abonement hám paydalanıwshılarǵa xızmet kórsetiw xızmeti qánigesi D. Xalbaeva hápte dawamında ótkeriletuǵın bir qatar ruwxıy -aǵartıwshılıq ilajlar,  seminarlar,  sáwbetlesiwler,  kitap prezentaciyaları,  kórik-tańlawlar,    kitap kórgezbeleri rejelestirilgenligin aytıp ótti xámde miymanlarǵa óz minnetdarshılıǵın bildirip ótti.