“Ertekler álemine sayaxat” atamasında tábiyat kórinisinde saxnalastırılǵan ilaj shólkemlestirildi.

• admin
• 28-July-2025
• 95

Usı jıldıń 28-iyul kúni Taqıyatas rayonı “Aydın jol” balalar dem alıw orayında Taqıyatas rayonı Málimleme-kitapxana orayınıń kóshpeli kitapxanası tárepinen “Ertekler álemine sayaxat” atamasında tábiyat kórinisinde saxnalastırılǵan ilaj shólkemlestirildi. Onda kitapxanashı A.Tóreniyazova dem alıw orayı balalarına súyikli ertekler haqqında aytıp berdi. Sońınan, qızlar tárepinen quwırshaqlar járdeminde “Zumrad hám Qımbat” ertegi, sonday-aq, balalar tárepinen súwretli qalpaqshalar járdeminde “Bawırsaq” ertegi saxnalastırıldı.

Bul ertekler arqalı adamgershilik mehir-muhabbat, jaqsılıq hám jamanlıqtıń aqıbetleri saxna hám háreketler járdeminde kórsetip ótildi.

Saxnalastırılǵan ertekler júdá qızıqlı hám mazmunlı bolıp ótti.