“Milliy gezlemelerimiz – milliyligimiz!” atamasında sáwbetlesiw keshesi shólkemlestirildi.

• admin
• 23-September-2025
• 97

Shańaraq hám hayal-qızlar komiteti tárepinen milliy kiyimlerimizde xalqımızdıń mıń ásirlik ótmishi, úrp-ádet hám dástúrleri, talǵamı, estetikalıq kózqarasları sonday-aq, ózine tán ózgeshelikleriniń jámlengenligin kórsetiw milliy qádiriyatlarımızdı mazmun jaǵınan bayıtıw maqsetinde “Xan atlas” festivalın ótkeriw dástúrge aylandı.

Festival sheńberinde usı jıldıń 23-sentyabr kúni Respublikalıq Ruwxıylıq hám aǵartıwshılıq orayınıń Taqıyatas rayonlıq bóliminde Taqıyatas rayonı Málimleme-kitapxana orayı, Taqıyatas rayonı Ruwxıylıq hám aǵartıwshılıq orayı, Taqıyatas rayonı Áskeriy bólim hayal-qızlarınıń qatnasıwında “Milliy gezlemelerimiz – milliyligimiz!” atamasında sáwbetlesiw keshesi shólkemlestirildi.

Sáwbetlesiw keshesinde rayondaǵı “Doslıq” MPJnıń belsendi nuranıy anası Baltabaeva Bazargúl ózbek milliy gezlemeleri atlas hám adras, shayı gezlemeleriniń tariyxı, gezlemelerdiń naǵısları, sapası sonday-aq, milliy gezlemelerden tigilgen lipaslar milliylikti sáwlelendiretuǵın ózbek hayallarınıń gózzal kórinisi ekenin aytıp ótti.