“Zakawatlı qızlar” аtаmasında zakawat intellektual oyını ótkerildi.

• admin
• 03-March-2026
• 66

Usı jıldıń 2-mart kúni Taqıyatas rayonı Málimleme-kitapxana orayı tárepinen 2026-jıl 15-fevral – 15-mart kúnleri “Hayal-qızlardı qádirlew” aylıǵın ótkeriw boyınsha ilajlar baǵdarlaması sheńberinde Respublikalıq Ruwxıy-aǵartıwshılıq orayı Taqıyatas rayonlıq bóliminde “Zákawatlı qızlar” аtаmasında zakawat intellektual oyını ótkerildi.

Zakawatqa rayonlıq Mektepke shekemgi hám mektep bilimlendiriw bólimine qaraslı 1-sanlı mekteptiń «Zukkаlar» komandası, 5-sanlı mekteptiń “Xumo” komandası, 8-sanlı mekteptiń “Bilimdаnlar” komandaları qatnastı.

Oyın sorawların Málimleme-kommunikaciya texnologiyaları hám sanlastırıw xızmeti qánigesi A.Vaysova oqıp esittirdi. Sorawlar tiykarınan kórkem ádebiyatlar hám logikalıq sorawlardan ibarat boldı. Tóreshi aǵzaları sıpatında Abonement hám paydalanıwshılarǵa xızmet kórsetiw xızmeti qánigesi J.Urazalieva hám rayonlıq Ruwxıylıq hám aǵartıwshılıq orayı qánigesi T.Seyidova qatnastı.

Tóreshi aǵzalarınıń nátiyjelerine bola, 1-orındı “Bilimdаnlar” komandası, 2-orındı “Zukkаlar” komandası, 3-orındı “Xumo” komandaları iyeledi. Jeńimpazlar Málimleme-kitapxana orayı tárepinen “Diplom” menen sıylıqlandı.