“Kitapxana hám social tarmaqlar” atamasında sáwbetlesiw keshesi shólkemlestirildi.

• admin
• 18-March-2026
• 33

Usı jıldıń 17-mart kúni Respublikalıq Ruwxıy-aǵartıwshılıq orayı Taqıyatas rayonlıq bóliminde Taqıyatas rayonı Málimleme-kitapxana orayınıń Málimleme-kommunikaciya texnologiyaları hám sanlastırıw xızmeti qánigesi A.Vaysova tárepinen “Kitapxana hám social tarmaqlar” atamasında sáwbetlesiw keshesi shólkemlestirildi.

Sáwbetke Respublikalıq Ruwxıylıq hám aǵartıwshılıq orayınıń Taqıyatas rayonlıq bólimi M.Jumamuratova hám kitapqumarlar qatnastı. A.Vaysova óz sózinde házirgi zamanda málimleme texnologiyaları jedel rawajlanıp, insan turmısınıń barlıq tarawlarına kirip barǵanı, sonıń ishinde, kitapxanalardıń jumısı da zamanagóy ózgerislerden shette qalmay atırǵanı, ásirese, social tarmaqlar kitapxanalar ushın jańa imkaniyatlar esigin ashıp berip atırǵanı, social tarmaqlar – bul málimleme almasıw, sóylesiw hám keń jámiyetshilikke maǵlıwmat tarqatıw ushın qolaylı platforma esaplanatuǵını, kitapxana jańa kelgen kitaplar, ilajlar hám xabarlardı sociallıq tarmaqlar arqalı tez hám ańsat jetkerip bere alıwı, bunnan tısqarı, social tarmaqlar kitapqumarlar menen jaqın baylanıs ornatıwǵa járdem beriwi, paydalanıwshılar óz pikir-usınısların bildiriwi, kitaplar haqqında usınıslar alıwı hám hár qıylı dodalawlarda qatnasıwı múmkin ekenligin aytıp ótti. Sonday-aq, kitapxanalar sociallıq tarmaqlar arqalı onlayn ilajlar, kitapqumarlıq chellenjlerin shólkemlestiriwi múmkin ekenligin, bul ásirese jaslar ushın júdá qızıqlı bolıp, olardı kitap oqıwǵa tartatuǵının aytıp ótti. Bul bolsa kitapqumarlıq mádeniyatın arttırıwǵa xızmet etedi.