“Jańa shıǵarmalar dúnyası” atamasında kitaplar kórgizbesi shólkemlestirildi.

• admin
• 19-March-2026
• 46

Usı jıldıń 19-mart kúni Taqıyatas rayonı Málimleme-kitapxana orayında “Jańa shıǵarmalar dúnyası” atamasında jańadan kelgen ádebiyatlardan kitaplar kórgizbesi shólkemlestirildi. Onda, Málimleme-kitapxana orayınıń Abonenment hám paydalanıwshılarǵa xızmet kórsetiw xızmeti qánigesi J.Urazalieva tárepinen kitapxananıń turaqlı oqıwshılarına kitaplar kórgizbesindegi jańa kelgen shıǵarmalar, jańa ádebiyatlar tanıstırılıp ótildi.

Kórgizbeniń tiykarǵı maqseti – kitapqumarlıq mádeniyatın arttırıw, jaslar hám keń jámiyetshiliktiń kórkem hám ilimiy ádebiyatlarǵa bolǵan qızıǵıwshılıǵın arttırıwdan ibarat. Kórgizbede hár qıylı baǵdardaǵı kitaplar – kórkem shıǵarmalar, tariyxıy dárekler, ilimiy-ǵalabalıq ádebiyatlar jáne belgili jazıwshı hám oyshıllardıń dóretiwshiligi jámlengen. Bul kitaplar insan oy-pikirin bayıtadı, dúnyaqarasın keńeytedi hám ruwxıy jetiklikke jeteleydi.