“Kitapqumarlar klubı” aǵzaları menen birgelikte “Shıǵarma avtorın tabıń” atamasında qızıqlı hám interaktiv sóz oyını ótkerildi.

• admin
• 06-May-2026
• 47

Usı jıldıń 6-may kúni Taqıyatas rayonı Málimleme-kitapxana orayı Abonement hám paydalanıwshılarǵa xızmet kórsetiw xızmeti qánigesi A.Tóreniyazova tárepinen rayonlıq Mektepke shekemgi hám mektep bilimlendiriw bólimine qaraslı 2-sanlı mektepte “Kitapqumarlar klubı” aǵzaları menen birgelikte “Shıǵarma avtorın tabıń” atamasında qızıqlı hám interaktiv sóz oyını ótkerildi. Oyınǵa 1-sanlı mektep kitapxanashısı R.Qutlımuratova, ana tili páni muǵallimi D.Qoshjanova hám “Kitapqumarlar klubı” aǵzaları qatnastı.

Bul oyınnan maqset kitapqumarlardıń kórkem ádebiyatqa bolǵan qızıǵıwshılıǵın arttırıw, belgili jazıwshı hám shayırlardıń dóretiwshiligi menen tanıstırıw jáne olardıń bilim sheńberin keńeytiwden ibarat boldı. Sóz oyını dawamında qatnasıwshılarǵa túrli kitaplardan úzindiler, belgili shıǵarmalardıń atamaları súwret járdeminde usınıldı. Oqıwshılar usı maǵlıwmatlar tiykarında shıǵarmanıń avtorın tabıwǵa háreket etti. Hár bir durıs juwap ushın qatnasıwshılarǵa xoshametlewshi ballar berildi.

Ilaj dawamında kitapqumarlar óz bilim hám oy-pikirlerin kórsetip, ádebiyatqa bolǵan qızıǵıwshılıǵın jáne de bekkemledi. Belsendi qatnasqan kitapqumarlar ayrıqsha tán alınıp, estelik sawǵaları menen sıylıqlandı.

Bul sóz oyını kitapqumarlar ushın tek ǵana bilim sınaǵı emes, al qızıqlı hám paydalı dem alıs bolıp xızmet etedi.