“Ata-babalarǵa húrmet-áwladlarǵa ibrat” atamasında sáwbetlesiw keshesi shólkemlestirildi.

• admin
• 07-May-2026
• 67

Usı jıldıń 7-may kúni Taqıyatas rayonı Málimleme-kitapxana orayı Abonement hám paydalanıwshılarǵa xızmet kórsetiw xızmeti qánigesi J.Urazalieva tárepinen “Ata-babalarǵa húrmet-áwladlarǵa ibrat” atamasında sáwbetlesiw keshesi shólkemlestirildi. Sáwbetke rayonlıq mektepke shekemgi hám mektep bilimlendiriw bólimine qaraslı 6-sanlı mektep kitapxanashısı J.Dosımbetova hám kitapqumarlar qatnastı.

Sáwbette J.Urazalieva Ǵárezsizlik jıllarında milliy qádiriyatlardı tiklew, tariyxımızdı qalıs hám haqıyqıy úyreniw, áziz tulǵalardıń esteligin qádirlew, mádeniyatımız hám kórkem ónerimizdiń rawajlanıwına úles qosqan dóretiwshilerdiń jumısı, olardıń bay ruwxıy miyrasın izertlew, úgit-násiyatlaw, tariyxıy ádillikti ornatıw baǵdarında keń kólemli jumıslar ámelge asırılıp atırǵanı, 1937-1953-jılları eziwshi dúzim tárepinen 100 mıńnan aslam xalqımız wákilleri repressiya siyasatınıń qurbanı bolǵanlıǵı, olardıń arasında belgili mámleketlik hám siyasiy ǵayratkerler, ilim ǵayratkerleri, dóretiwshi zıyalılar, diniy ulamalar, áskeriy taraw hám sud-huqıq sisteması xızmetkerleri, jumısshı-diyqanlar hám olardıń shańaraq aǵzaları bolǵanlıǵı, sonıń ishinde, 2021-2024-jıllar dawamında Ózbekstan Respublikası Joqarǵı sudı tárepinen 1 mıń 200 den aslam siyasiy repressiya qurbanlarınıń atları aqlanǵanlıǵın ayrıqsha atap ótiw kerek ekenligi haqqında aytıp ótti.